Imperios surge e cade. Glacieros dispare. Linguas e religiones se diffunde de un region a un altere. Simple sentieros de terra deveni vias e ferrovias multo frequentate. Edificios modeste cede le loco a grattacelos imponente. E tu te rememora como tu quartiero esseva in le passato. Tote isto ha su loco in OpenHistoricalMap.

Nostre communitate crescente de contributores voluntari include historicos amator e professional, contributores de OpenStreetMap e Wikipedia, specialistas de GIS, e personas ordinari qui cognosce ben lor ambiente. Nos es appassionate de documentar le mundo e adjutar le communitates del mundo real a contar lor historias. Pro apprender plus sur le communitate, consulta nostre documentation extense sur le wiki, visita nostre foro de discussion, lege le diarios de usatores e seque nostre conto Mastodon o Bluesky.

Tu pote comenciar a contribuer al carta hodie si tu crea un conto gratuite. Nos etiam accepta donationes de caritate per medio de OpenStreetMap Statos Unite, un organisation sin scopo lucrative con stato de exoneration fiscal secundo le regulation statounitese 501(c)(3). Tu donation generose contribuera directemente a mantener OpenHistoricalMap in optime functionamento pro tote le mundo.

Le carta sur nostre pagina principal es solmente un de multe manieras de discoperir le informationes historic que nos ha colligite. Le datos subjacente es disponibile pro reuso como discargamento o per medio de varie APIs gratuite e compatibile con software a codice-fonte aperte.

Le datos es in le dominio public salvo indication contrari. Tu es libere de usar los a qualcunque fin, sin restriction. Nonobstante, nos apprecia multo omne credito o citation que tu forni a OpenHistoricalMap. Pro plus detalios e recognoscimentos, vide Derectos de autor e recognocimentos.

Iste sito e multe altere servicios associate es formalmente gerite per un gruppo informal affiliate con OpenStreetMap U.S. in nomine del communitate. Le uso de tote le servicios de OpenHistoricalMap es subjecte a nostre Conditiones de uso, a nostre Politica de uso acceptabile e a nostre Politica de confidentialitate.

Per favor contactar le equipa de OpenHistoricalMap si tu ha questiones sur le licentia o le derecto de autor o altere questiones juridic.

OpenHistoricalMap® es un marca registrate (U.S. Reg. No. 90,019,364). OpenStreetMap e le logo de lupa es marcas registrate del Fundation OpenStreetMap.

OpenHistoricalMap es un projecto fundamental de OpenStreetMap Statos Unite, un organisation sin scopo lucrative in virtute del articulo de lege statounitese 501(c)(3), affiliate con le Fundation OpenStreetMap. Le disveloppamento technic es supportate per GreenInfo Network e Development Seed.