OpenHistoricalMap es un collection de datos geospatial aperte. Salvo indication contrari, le datos de OpenHistoricalMap data es liberate al dominio public sub un dedication Creative Commons CC0. In le mesura in le qual le datos que tu usa es in le dominio public, tu es libere de copiar, distribuer, transmitter e adaptar los a qualcunque fin, sin restriction.

Le base de datos de OpenHistoricalMap incorpora alcun elementos cartographic subjecte a derectos de autor. Iste elementos es disponibile sub un licentia aperte, como Creative Commons Attribution (CC BY) o Creative Commons Attribution-CompartiSimile (CC BY-SA), como notate in le etiquettas license=* sur elementos individual. In le mesura in que tu usa alcun parte significative del base de datos que es coperite per un licentia “comparti simile”, tu debe respectar le conditiones de iste licentia in tu proprie adaptation.

Le stilos de carta presentate sur nostre pagina principal es dedicate al dominio public sub un licentia CC0. Tu es libere de copiar, distribuer, transmitter e adaptar los a qualcunque fin, sin restriction.

Nostre documentation es sub licentia Creative Commons Attribution-CompartiSimile 2.0 (CC BY-SA 2.0).

Como dar recognoscentia a OpenStreetMap

Ben que le lege statounitese sur le derecto de autor non impone alcun restriction o condition sur tu uso de contento del dominio public, nos multo appreciarea omne recognoscimento que tu forni a OpenHistoricalMap quando tu reusa, adapta o alteremente usa nostre cartas o datos.

Tu pote presentar iste recognoscimento de qualcunque maniera rationabile. Per exemplo, sur un carta digital, tu pote mentionar OpenHistoricalMap in micre litteras in le angulo, ligante a iste pagina de derectos de autor sur nostre pagina principal:

O tu pote includer un recognoscimento plus clar sur un pagina de mentiones separate ubi tu attribue altere fontes:

Datos cartographic fornite per le projecto OpenHistoricalMap, in le dominio public salvo indication contrari.

Sur un carta imprimite, tu pote placiar le recognoscimento in le legenda. In un libro, tu pote describer tu uso de OpenHistoricalMap in un nota al pede, in le bibliographia, o in le colophon. In un articulo academic, tu pote citar nos de varie manieras dependente de lo que tu ha usate.

Pro saper plus

Lege plus sur le considerationes juridic ligate al uso de nostre datos, e como recognoscer nos, sur le wiki de OpenStreetMap.

Recognoscimentos

OpenHistoricalMap es le effortio collaborative de milles de personas e organisationes, qui a lor torno se appoia sur un grande corpore academic, jornalistic e archival. Nostre fontes e contributores le plus importante es le sequentes:

• Datos sur litores, corpores de aqua e rivieras © Contributores de OpenStreetMap, CC BY-SA 2.0.
• Datos del Atlas de frontieras historic de contatos, un projecto del Centro William M. Scholl pro Historia e Cultura Statounitese presso le Bibliotheca Newberry, que es disponibile pro reuso sin restriction.
• Datos create per le projecto COMMUNAS ANR in collaboration con Le gruppo Cambridge pro le Historia del Population e del Structuras Social.
• Fontes e contributores additional es disponibile sur le wiki de OpenStreetMap.

Le stilos de carta presentate sur le pagina principal contine datos de OpenHistoricalMap e del sequente fontes:

• Insimules de datos de Natural Earth in le dominio public.
• Copertura de terra ab GlobCover, © ESA 2010 e UCLouvain, disponibile pro reuso a scopos educative e/o scientific con attribution.
• Datos de elevation de terrenos ab Danielson, J.J., e Gesch, D.B., 2011, Datos global de elevation de terrenos a plure resolutiones de 2010 (GMTED2010): U.S. Geological Survey Open-File Report 2011–1073, 26 p. Dominio public.

Le inclusion de datos in OpenStreetMap non implica que le fornitor original del datos indorsa OpenStreetMap, forni alcun garantia, o accepta alcun responsabilitate.

Violation de copyright

Nos rememora al contributores de OSM de nunquam adder datos de alcun fonte sub derecto de autor (p.ex. Google Maps o cartas imprimite) sin explicite permission del titulares del derecto de autor.

Si tu crede que material sub derecto de autor ha essite inappropriatemente addite al base de datos de OpenHistoricalMap o a iste sito, per favor contacta le equipa de OpenHistoricalMap con “TAKEDOWN REQUEST” in le linea de subjecto.

Marcas de commercio

Si tu ha questiones sur tu uso del nomine OpenHistoricalMap, per favor contacta le equipa de OpenHistoricalMap.